உபயம் பெற உபாயம்

ஆஸ்திரேலியா அரசுப்பள்ளிகள், நம் தனியார் பள்ளிகளைபோல் செயல்படுவதைக்கண்டு மிகவும் ஆச்சரியமாக இருந்தது.

இவ்வளவு மேலாக நடத்த என்னன்ன காரணங்கள் இருக்கலாம் என நோண்டி நொறுக்கிப் பார்த்தால், பள்ளியின் மேம்பாட்டிற்கு மாணவர்களும் பெற்றோர்களும் ஒரு அங்கமாகத் திகழ்வதை இங்குக் கூறாமல் இருக்க முடியவில்லை.


ஆஸ்திரேலிய அரசு பள்ளிகளும் நம்மூர் ஸ்டைலில் நிதியே போதவில்லை என வாய்ப்பாட்டாகப் பாடினாலும் சிறிது எளிய முறையில் நிதிதிரட்டி மாணவர்களின் தேவைகளைப் பூர்த்திசெய்து வைக்கின்றனர்.


அவர்களின்முதற்தேவை 'updated' நூலக வசதி. நூலகத்திற்கு தேவையான நூல்களை நன்கு திட்டமிட்டு அதனை பதிபகத்திலுருந்து வரவழைத்துக் கடை போல் விரித்து விற்பனை நடத்துகிறது. இதில் பள்ளி மாணவர்களையே வைத்து வாங்க வைக்கின்றனர். யாரால் முதலில் வாங்கப்பட்டதோ அம்மாணவர்க்கு அந்த புத்தகம் முதலில் படிக்கக் கொடுக்கப்படுகிறது. பின்பு அதை நூலகத்திற்கு எடுத்துக் கொள்கின்றனர்.

மாணவர்களும், தான் ஒரு புத்தகத்திற்கு முதல் வாசிப்பாளராக இருத்தல் வேண்டும் என்னும் எண்ணத்தில் நூலை வாங்கிப் படிக்கின்றனர். இவ்வாறாகச் செய்யும்போது புத்தகம் படிக்கும் பழக்கத்தை கொண்டுவந்ததாகவும் ஆயிற்று , நூலகத்திற்கு புத்தகம் கிடைத்ததாகவும் ஆயிற்று. "அடிச்சது ஒரு கல்லில் இரண்டு மாங்காய்".

"இப்படி extra புத்தகம் வாங்க ஒருவனுக்குப் பணமிருந்தால் அவன் ஏன் அரசு பள்ளிக்குச் செல்கிறான்", என நினைக்கத் தோன்றும். சில பல டிக்கெட்டுகளைத் தொண்டு நிறுவனத்திற்கு நிதி திரட்ட மாணவர்களை ஏவுவதற்கு பதில் இம்மாதிரியான பணிகளைக் கூறி ஏதேனும் அவர்களுக்கு விருப்பமான ஒரு புத்தகம் வாங்க சிறிது வசதிப்பட்டவரிடமிருந்து பணம் திரட்ட அனுமதிக்கலாம்.

இவைகளையும் மீறி யதார்த்தமுடன் சிந்திப்போமானால் கிராமங்களில் குழந்தைகள் விடுமுறை நாட்களில் அல்லது மற்ற நேரங்களில் ஏதேனும் வேலை பார்க்கின்றனர். அவ்வாறாகக் கிடைக்கும் பணத்தை சினிமா பார்க்கவோ அல்லது வேறுத் தேவையற்றவைகளுக்கோ செலவழித்துவிடுகின்றனர். அதற்கு பதில் நல்ல புத்தகங்களை வாங்கப் பழக்கி விடலாமே நம் அரசுப்பள்ளிகள்.

இன்னும் சில மேல்வேலைகளை , அதாவது fence, விளையாட்டு மைதானம் போன்றவைகளைச் சரிப்படுத்தவும் நிதி திரட்டத் தயங்குவதில்லை இப்பள்ளிகள். நாம் நமக்குத் தேவையான சில அடிப்படை வசதிகளான கழிவறை, குடிநீர், சோதனைக்கூடம் இவற்றை சீர்படுத்த, பெற்றோர்களையும் பங்கு பெறவைக்கும் sponsor ideaக்கள் அடுத்தபதிவில் காண்போம்.